கமலதேவி

 [  2024 அக்டோபர் வாசகசாலை  100  வது இதழில் வெளியான சிறுகதை] விக்ரமாதித்தனும் வேதாளமும் கயிற்று கட்டிலில் படுத்திருக்கிறேன் . அதன் கீழே பெரிய வலை . அதற்குள் விழுந்து விடுவனோ என்று கட்டில் சட்டத்தை இறுக்கிப்பிடிக்கிறேன் .   அந்தரத்திலிருந்து ஒரு முகம்   என்னை     குனிந்து பார்க்கிறது . அதன் கண்களில் எத்தனை குளுமை . கமலா .. என்று அழைக்க நினைக்கிறேன் .   குரல் எழவில்லை .   விழித்துக்கொண்டேன் .     தேகத்தை சிரமப்பட்டு அசைத்து நிமிர்ந்து படுத்தேன் . நான் படுத்திருப்பது ரயில் பெட்டியின் கீழ்     படுக்கை . ஒன்றிரண்டு படுக்கைகளில் ஆட்கள் இல்லை . வானம் வெளுக்கும் நேரத்தில் மெட்ராஸ் வந்துவிடும் . அதற்குள் யாருக்காவது காகிதம் எழுத வேண்டும் .   பங்குனி மாதம் . ஜன்னலுக்கு வெளியே பார்ப்பவருக்கு நேரங்கொடாமல்   அதிகாலை காட்சிகள்   ஓட்டப்பந்தயம் நடத்தின . பஸ் பிரயாணம் ஒரு சுகானுபவம் . மெல்ல வெற்றிலை போடுவது போல . எரிச்சல் கொண்ட கண்கள்   களைத்து வந்தது . ...